Main Hoon Ped

Ped hoon main ped
Hara bhara lehrata
Ped hoon main ped

Chidiyon ka ghar hoon main
Baarish mein bheegon ka main basera
Dhoop mein pathikon ko chaya dena kaam hai mera
Jaadon mein jalkar thithuran se mukti deta main tumhe

Meri chaya mein baithkar ved puran rache gaye
Mere patte hain aaj kitabon ke panne bane
Meri tehniyaan bani daatun, anginat aushdhiyan maine di

Aao bachchon aao, tumhare liye meethe meethe phal laya hoon main
Kela, santra, seb, naashpati, sab ke sab laya hoon main

Sabki jaroorat ka dhyan main rakhta
Vatawaran ko praanvaayu se sanjota
Ped hoon main ped
Hara bhara lehrata
Ped hoon main ped

In sabke badle tumse kuch na chahta hoon
Aajeewan paropkar kar, main to punya kamata hoon
Tumhare bhale ke liye seekh aaj deta hoon
Apne sunhare bhavishya ke liye meri raksha ka vrat lo
Har ek lagaye ek ped yeh seekh lo
Tab beemar kabhi na tum ho paoge
Mil jul ke swachch hawa mein khelna seekh jaoge.

July 10, 2008